Tradukoj

From The Joel on Software Translation Project

Revision as of 16:50, 12 April 2007 by Aoki (Talk | contribs)
(diff) ← Older revision | Latest revision (diff) | Newer revision → (diff)
Jump to: navigation, search

En Esperanto. Angle eldonata je 2006-01-27.

Antaŭ kelkaj jaroj, kelkcent volontuloj donaceme ofertis ilian libertempon por traduki Joel pri Softvaro al 30 lingvoj. Vi povas vidi la eksterordinarajn laboraĵojn de ilia diligenta laboro ĉi tie. Mi estas dankegema.

Direkti tiun tradukan projekton estis grandega peno. Mi faris, kiom mi povis, kaj poste mi delegis al inteligenta kaj talenta ontempa laboristo, studento el Aŭstrio, kiu estis loĝanta en Novjorko. Kunordigi ĉiom da manuskriptoj, konverti de Word al HTML, funkciigi la hiperligilojn -- ili bezonis multan da manlaboro, kaj kostis multan da mono.

Ekde tiam, mi ankoraŭ ricevas gutojn de tradukoj, kaj kompreneble, estas multaj artikoloj, malnovaj kaj novaj, kiuj estas netradukitaj. La tradukitaj versioj de Joel pri Softvaro estis neŝanĝemaj; fakte, ili estis ĉirkaŭe blokiĝaj ĉar mi ne havas tempon por eldoni novajn manuskriptojn.

Kaj oni povas trimaniere traduki ĉiun aĵon, do mi ricevadas petojn, ke mi ŝanĝu frazon en, ekzemple, la nederlanda. Parolantoj de flandra dialekto petas, ke mi ŝanĝu ĝin iel, kaj poste, parolantoj de la neflandra nederlanda proponas, ke mi reŝanĝu ĝin, kaj mi ne komprenas tion, kion ili diskutas!

Malĝoje, mi falis antaŭ la peno, kiu estas bezonata por konservi ĉirkaŭ 30 fremdlingvajn versiojn. Unu homo ne povas kunordigi tian taskon, precipe se tiu homo estas mi.

Bonŝance, ekde 2002, la vikio estis inventita.

Ho, okej, ĝi estis inventita antaŭ 2002, sed neniu kredis, ke ĝi funkcius.

Ho, fakte, la plejparto da homoj kredis ke ĝi funkcius, sed mi ne povas konsenti, ĉar mi estis tro stulta. Mi diradis, "Vikioj? Neniam tiuj funkcios. Iu povas ŝanĝi la difinon de, ekzemple, 'podcasting' al 'furzo furzo furzo,' kaj poste kio okazos?"

Jen, mi estis malprava, Malprava, MALPRAVA.

Vikioj bone funkcias.

Do, mi uzos vikion por la Joel pri Softvaro tradukoj.

Ĝi estas instalita kaj funkciebla. Blanka kiel je ĝia naskiĝtago.

Se vi flue parolas iun lingvon, vi povas helpi.

Se vi ne parolas lingvon krom la angla, sed vi scias vikiojn, vi povas helpi per organizi la novan vikion, fari enhavlistojn, kopii malnovajn tradukojn, kaj helpi tradukistojn sendi iliajn tradukojn al la vikio, kaj ordigi ilin.

Se vi havas multan libertempon, vi povas traduki iun. Iu ajn. Paĝo de Joel pri Softvaro, kiun vi ŝatis, paĝo de Joel pri Softvaro, kiun vi ne ŝatis, tuta artikolo, la tuta uzulinterfaca libro.

Se vi fartas kiel bubaĉo, donu furzajn ŝercojn al ies bonega traduko. Ni vidos ĉu la komunumo vidos kaj riparos ĝin.

Se vi havas malmultan libertempon, vidu la tradukitajn artikolojn. Trovu erarojn. Riparu ilin. Trovu malbontradukitajn ŝercojn, kaj plibone traduku ilin. Serĉu hiperligilojn en la klingona traduko, kiu iras al la angla versio kiam nuntempe estas klingona traduko de la angla versio, kaj riparu ĝin.

Helpu fari polisojn kaj rekomendojn. Kombinu ĉies kolektivan scion pri la signifoj de obskuraj ŝercoj, kaj pri kiel plejbone traduki ilin. Faru enhavlistojn, indeksojn, kaj interligojn. Faru lokajn komunumojn.

Ne atendu min. Ĝi estas instalita kaj funkciebla. Blanka kiel je ĝia naskiĝtago.

Personal tools